اول وأهم عشر منتجات للعناية
هذي اول ثلاثين
موضوع اليوم مقتبس من هاشتاق #اول_ثلاثين_منتج
عجبتني فكره الهاشتاق فحبيت اقسم التدوينه لثلاث أقسام كل عشر ايام او عشر منتجات بتدوينه
نبتدي اول تدوينه عن منتجات العناية الي تكون دايم معي على طول حتى بالسفر
١- اول شي الحب كليراسونيك ❤️😍
Clarisonic Mia 2
هذي كيف كنت عايشه بدونها صدق بنات المعنى الفعلي لتنفس البشره <<<< وش هالمصطلح ان شالله تكونون فهمتو
بالذات لمن أكون حاطه ميك اب حتى لو شلتيه بالميك اب ريموفر استخدمي الجهاز وبتشوفين البلاوي اللي بتطلع فعليا كذا تصير تعابير وجهي 😱
٢- غسول مع الكليراسونيك اهم شي غسول طبي عشان البشره لاتتحسس استخدمت كلينك ماجازلي ماناسبني الا سيتافيل او QV اثنينهم غسولات طبيه مافيها نسبه عطور كثيره
٣- مرطب الوجه بما ان بشرتي دهنيه المرطب الاحسن يكون سيروم يعني ماهو كريمي مره تحسينه مخفف ان شالله تكونون فاهمين علي هذا السيروم اخذته من جاكرتا با اخر سفر بطل بطل بطل ندمت اني ماخزنت كميه بس بحاول أنشب للمسافرين عشان اجيب مثله طبعا الاسم انمسح من تحليل الاستخدام. وكذا
٤- الفيتامين اي نوع ناسبك بما ان اغلب اكلنا غير صحي لازم نستخدم الفيتامين عشان نعوض الجسم عن المعادن اللي يكون فاقدها وبحاجه لها
Nature's Bounty extra strength hair , skin and nails
من كثر ماسمعت مدح عن هالفيتامين قلت بس لقيتي مرادك ياهنادي وأخذت علبتين من الحماس الا وين ومراد وين هذي ثاني علبه وماني شايفه نتيجه تذكر للشعر ممكن للبشره بس الشعر ابدا ومراح ارجع اجيبها في بنات ناسبتهم وفي لا انا للان مانسبني الا هير فينيتي بس مشكلته يفتح الشهيه الا شوي فلازم اشوف حل مع هالمشكله لان برجع استخدمها ان شالله بعد هالعلبه
٥- مرطب اليدين Madre labs حلو ترطيبه وجميل بزيت الارغان ومايدبق هذا اهم شي يعني بسرعه تمتصه البشره
٦_ مرطب الجسم من سيتافيل انا عندي انتماء لماركه سيتافيل العلبه كبيره وتجلس معك ومره جميل ترطيبها ونفس الشي تمتصه البشره على طول
Cetaphil
٧- بالنسبه للشعر ومشكلته الكبيره التقصف الحل الوحيد القص بس حتى بعد القص لازم الترطيب هذا الكونديشينر حلو من بانتين تحطينه على أطراف شعرك قبل لاتنامين الشعر يكون مترطب ومافيه تقصف لليوم اللي بعده بس هو حل مؤقت يدوم كم ساعه فلازم الاستمرار
Pantene oil replacement night therapy
٨- ليف اون كونديشينر هذا سبراي تحطينه بعد الاستحمام على شعرك يفك التشابك نفس فكره الكونديشينر بس حبيت هذا اكثر لان خفيف سبراي ومايزيت الشعر بس تحطينه على الأطراف
Coconut and almond leave in conditioner
٩- بخاخ الحمايه من حراره الاستشوار او السيراميك من تيرسمي
Tersemme heat protection
١٠-بايو أويل يستخدم بعد الاستحمام للمناطق اللي فيها سترتش مارك يقال انه يشيل حتى الندبات مع الوقت بس لازم الاستمرار اقل شي ٣ شهور
About the Author
1 comments
روعه ياهنو الله يسعدك اخب اشوف تجاربك😘😘😘
ReplyDeleteديدي